“ଚା” କେତେ ଖରାପ କେତେ ଭଲ

 

ଫଟୋ ଅନଫ୍ଲାସ ରୁ 

         ଭାରତ ପୃଥିବୀ ର ଦ୍ଵିତୀୟ ବୃହତମ “ଚା” ବା  “ଚାହା” ଉତ୍ପାଦନକାରୀ  ରାଷ୍ଟ୍ର। ଆସାମ ରାଜ୍ୟ ଭାରତ ରେ ଅଧିକ ଚାହା ଉତ୍ପାଦନ କରିଥାଏ ।  ସିଙ୍ଗପୋ (Singhpo) ପ୍ରଜାତି ର ଲୋକ ମୁଖ୍ୟତଃ ଚାହା ଉତ୍ପାଦନ କରିଥାନ୍ତି।  ଏମାନେ  ଚାହା ଗଛ ର କଅଁଳିଆ ପତ୍ର କୁ ତୋଳି ଦିନ ର ଖରା ଓ ରାତିର ର କାକର ରେ ୩ ରୁ  ୪ ଦିନ  ରଖିଥାନ୍ତି  ।  ତାପରେ, ଏକ ବାଉଁଶ ନଳୀ ରେ ରଖି ତା ଭିତରେ ଧୂଆଁ ଦେଖାଇଥାନ୍ତି, ଏବଂ କିଛି ଦିନ ଗଲା ପରେ ସେଥିରୁ  “ଚାହା ଗୁଣ୍ଡ” ପ୍ରସ୍ତୁତ କରାଯାଇଥାଏ । ଇଷ୍ଟ ଇଣ୍ଡିଆ କମ୍ପାନି ଭାରତରେ ଚାହା ର ଉତ୍ପାଦନ ଏବଂ ଏହାର ପ୍ରଚାର ପ୍ରସାର ବହୁଳ ମାତ୍ରା ରେ ବୃଦ୍ଧି କରିଥିଲା।     

          ସାଧାରଣତଃ, ଚାହା ଦୁଇ ପ୍ରକାର ରେ ପ୍ରସ୍ତୁତ କରା ଯାଇଥାଏ  କ୍ଷୀର ଚାହା ଓ ନାଲି ଚାହା ।  ଏହି ଚାହା ରେ ବିଭିନ୍ନ ପ୍ରକାର ମସଲା ଯଥା ଅଦା, ତୁଳସୀପତ୍ର, ତେଜପତ୍ର, ଗୋଲମରିଚ, ଅଳେଇଚ, ଡାଲଚିନି ଇତ୍ୟାଦି ପକାଇ ମସଲା ଚାହା ପ୍ରସ୍ତୁତ କରାଯାଏ ।  ହାଲୁକା ଜ୍ଵର, ଥଣ୍ଡା, ମୁଣ୍ଡ ବ୍ୟଥା, ଗଳା ଦରଜ , କାଶ , ଶରୀର ପୀଡା , କାମରେ ଏକାଗ୍ରତା ର ଅଭାବ ଦେଖାଦେଲେ ଲୋକ ମାନେ ମସଲା ଚାହା କୁ ଆପଣେଇ ଥାନ୍ତି।  ଏହା ପ୍ରଦାହକୁ ମଧ୍ୟ  ହ୍ରାସ କରିପାରେ |

          ଆଜିକାଲି ଚାହା ଧନୀ ଓ ଗରିବ ପ୍ରତ୍ୟେକ ଘରେ ପାନୀୟ ଭାବରେ ବ୍ୟବହାର ହେଇ ଆସୁଛି ।  ଆଧୁନିକ ବିଜ୍ଞାନ ଓ ଆୟୁର୍ବେଦ ପ୍ରମାଣ କରି ସାରିଛି ଯେ ଅଧିକ ଚାହା ପିଇବା ଶରୀର ପାଇଁ କ୍ଷତିକାରକ ଅଟେ । ଚା ରେ କେଫିନ ଓ ଟାନିନ ବହୁଳ ମାତ୍ରା ରେ ଥାଏ,  ଆସନ୍ତୁ ଜାଣିବା ଏହାର ଅପକରିତା ।

1.     ଚାହା ଡିହାଇଡ୍ରେସନ୍( Dehydration) ସୃଷ୍ଟି କରେ, ଯାହା କି ଶରୀର ରେ ଜଳ ର ମାତ୍ରା କମେଇ ଦେଇଥାଏ  | ଚା’ ରେ କଫିନ୍(caffeine) ଥାଏ, ଏହା ଏକ ପ୍ରାକୃତିକ ଉତ୍ତେଜକ ଏବଂ ଡାଇୟୁରେଟିକ୍(Diuretic) ଯାହା ଆପଣଙ୍କୁ ବାରମ୍ବାର ପରିସ୍ରା କରାଇଥାଏ  | ଡାଇୟୁରେଟିକ୍ କୁ ବେଳେବେଳେ “ପାଣି  ବଟିକା” କୁହାଯାଏ।  ତେଣୁ, ଚାହା ପିଇବା ଆଗରୁ ଗୋଟିଏ ବା ଦୁଇ ଗ୍ଳାସ  ପାଣି ପଈବା ନିହାତି ଦରକାର ।

2.     ଗର୍ଭବତୀ ଥିବାବେଳେ ଚା ’ପିଇବା ନିରାପଦ ନୁହେଁ । ଏହା ଗର୍ଭ ଧାରଣ କରିବାରେ ବାଧା ପ୍ରାପ୍ତ କରିପାରେ ଓ ଯଦିଓ ଛୁଆ ଜନ୍ମ ହୁଏ ତାହାର ଓଜନ କମି ଯାଇପାରେ। ଗର୍ଭବତୀ ମହିଳାମାନେ  କଫିନ୍ କୁ ଶୀଘ୍ର ହଜମ କରିପାରନ୍ତି ନାହିଁ   | ଏହି ସମୟ ମଧ୍ୟରେ, କଫିନ୍ ସହଜରେ ଗର୍ଭାଶୟ ର ପ୍ଲେସେଣ୍ଟା (Placenta)  ଅତିକ୍ରମ କରି, ଶିଶୁ ର ରକ୍ତ ସହିତ ମିଶିଯାଇଥାଏ  ଏବଂ ଆପଣଙ୍କ ଶିଶୁର ଅପରିପକ୍ଵ ଯକୃତ ଏହି କଫିନ କୁ  ଭାଙ୍ଗିବାରେ ଅସୁବିଧା ସମ୍ମୁଖୀନ ହୁଏ  | ପ୍ଲେସେଣ୍ଟା ହେଉଛି ଏକ ଅଙ୍ଗ ଯାହା ମହିଳା ଙ୍କ  ଗର୍ଭାବସ୍ଥାରେ ଗର୍ଭାଶୟରେ ବିକଶିତ ହୁଏ |  ଏହି ଅଙ୍ଗ ଶିଶୁକୁ ଅମ୍ଳଜାନ ଏବଂ ପୋଷକ ତତ୍ତ୍ଵ  ଯୋଗାଇଥାଏ ଏବଂ ଶିଶୁର ରକ୍ତରୁ ବର୍ଜ୍ୟ ବସ୍ତୁ ବାହାର କରିଥାଏ |  ଅନୁସନ୍ଧାନରୁ ଜଣାପଡିଛି ଯେ, ମହିଳା ମାନେ  ଦିନକୁ ୧୦୦ ରୁ ୩୦୦  ମି.ଗ୍ରା କଫିନ୍ ଖାଉଥିଲେ ଗର୍ଭ ଧାରଣ ବନ୍ଦ  ହେବାର ଆଶଙ୍କା ୨.୪  ଗୁଣ ଅଧିକ ହୋଇପାରେ |

3.     ମେଲାଟୋନିନ୍ (Melatonin) ହେଉଛି ଏକ ହରମୋନ୍ ଯାହା ମୁଖ୍ୟତ ରାତିରେ ପିନେଲ ଗ୍ରନ୍ଥି (Pineal Gland) ରୁ କ୍ଷରଣ  ହୋଇଥାଏ।  ଏହା ଆମ ଶରୀର ର ଶୋଇବା ଓ ଜାଗ୍ରତ ଚକ୍ର କୁ  ନିୟନ୍ତ୍ରଣ କରିଥାଏ | ଅଧିକ କଫିନ୍ ମେଲାଟୋନିନ୍ ହରମୋନ୍ ର ଉତ୍ପାଦନ ମାତ୍ରା କୁ କମେଇ ଦେଇଥାଏ,  ଯାହାଦ୍ଵାରା ଭଲ ନିଦ ପଡିବାରେ ବାଧା ପ୍ରାପ୍ତ ହୋଇଥାଏ  |

4.     କଫିନ୍ ଶରୀର ରେ ଅମ୍ଳତା ବଢାଇ ଥାଏ  ଓ ଛାତି ରେ ଜଳାପୋଡା ରୋଗ ସୃଷ୍ଟି କରେ | ଯେଉଁମାନେ ହୃଦଘାତରେ ଆକ୍ରାନ୍ତ କିମ୍ବା ହୃଦ୍‌ରୋଗରୁ ମୁକ୍ତି ପାଇଥାନ୍ତି, ସେମାନେ ଚାଠାରୁ ଦୂରେଇ ରହିବା ଉଚିତ୍ |

5.      ନିୟମିତ ଭାବେ ଅଧିକ ପରିମାଣର କଫିନ୍ ଖାଇବା ଦ୍ୱାରା ମାରାତ୍ମକ ମୁଣ୍ଡ ବିନ୍ଧା ହେଇପାରେ | କେତେକ ଅନୁସନ୍ଧାନରୁ ଜଣାପଡିଛି ଯେ ଦୈନିକ ୧୦୦ ମିଗ୍ରା କଫିନ୍ ନେବା ଦ୍ୱାରା ମୁଣ୍ଡବିନ୍ଧା ହେବାର ସମ୍ଭାବନା ଅଧିକ ବଢି ଯାଇଥାଏ ।

6.     ଏପରିକି ନିୟମିତ ଅଳ୍ପ ପରିମାଣର ଚା ’ପିଇବା ଦ୍ୱାରା କଫିନ୍ ର ନିର୍ଭରଶୀଳତା ବଢି ପାରେ ।  କଫିନ୍ ଶରୀର ରେ କ୍ଷଣିକ  ଉତ୍ସାହ ଶକ୍ତି ଓ ଚଳ ଚଞ୍ଚଳତା ବୃଦ୍ଧି କରିଥାଏ | କଫିନ୍ ପ୍ରତ୍ୟାହାରରେ ମୁଣ୍ଡ ବିନ୍ଧା, ବିରକ୍ତିକରତା, ହୃଦ ସ୍ପନ୍ଦନ ରେ ବୃଦ୍ଧି  ଏବଂ ଥକାପଣ  ହୋଇପାରେ |

7.     ଚା  ରେ ଟାନିନ (Tanin) ଥାଏ , ଯାହାକି ଆମ ଖାଦ୍ୟ ର ଲୌହ କଣିକା ଗ୍ରହଣ କରିବାର ଶକ୍ତି କୁ କମାଇ ଦେଇଥାଏ । ସାଧାରଣତଃ , ଉଦ୍ଭିଦ ଆଧାରିତ ଲୌହ କଣିକା କୁ ଶରୀର ଗ୍ରହଣ କରିପାରିନଥାଏ। ତେଣୁ, ଖାଇବା ପରେ ପରେ ବା ଚା  ପିଇବା ର  ୧ ଘଣ୍ଟା ପର ପର୍ଯନ୍ତ   କିଛି ଖାଇବା ଉଚିତ ନୁହେଁ ।

8.     ପ୍ରତିଦିନ ଅଧିକ ପରିମାଣ ରେ ଚା  ସେବନ କରିବା ଦ୍ୱାରା, ଏଥିରେ ଥିବା  ଅମ୍ଲ  ଏବଂ ଟେନିନ୍ ଦାନ୍ତକୁ ହଳଦିଆ କରିଦିଏ | ତେଣୁ, ଚା ପିଇବା ପରେ ଦାନ୍ତ ଘଷିବା ଆବଶ୍ୟକ |

9.     ଚା’ ରେ ଥିବା ଏକ ରାସାୟନିକ ଥିଓଫିଲାଇନ୍ (Theophylline) ହଜମ ସମୟରେ ଜଳୀୟ ସ୍ତର କମାଇ  କୋଷ୍ଠ କାଠିନ୍ୟ ସୃଷ୍ଟି କରିଥାଏ | ଅନେକ ବିଶ୍ୱାସ କରନ୍ତି ଯେ ସକାଳେ ଚା ’ପିଇବା ଦ୍ୱାରା  ଝାଡା ପରିଷ୍କାର ହୋଇଥାଏ ,କିନ୍ତୁ ଅଧିକ ପରିମାଣରେ ଚା’ ପିଇବା ଦ୍ୱାରା କୋଷ୍ଠ କାଠିନ୍ୟ ମଧ୍ୟ ହୋଇପାରେ |

10. ଚା’ ଅଧିକ ପିଇଲେ  ଶରୀରରେ ଫ୍ଲୋରାଇଡ୍ ସ୍ତରକୁ ବୃଦ୍ଧି କରିଥାଏ ଯାହା କି ପରବର୍ତ୍ତୀ ସମୟରେ  ହାଡକୁ ଦୁର୍ବଳ କରିଦିଏ |

          ତେଣୁ, ଅତ୍ୟଧିକ ମାତ୍ରା ରେ ଚା ପିଇବା ଶରୀର  ପକ୍ଷେ ନିରାପଦ ନୁହେଁ। ଚା ଯେତେ ଖରାପ ନୁହେଁ, ଚା ରେ ଚିନି ମିସିଲେ ତାହାର ଖରାପ ଗୁଣ ବହୁ ମାତ୍ରା ରେ ବୃଦ୍ଧି କରିଦେଇଥାଏ । ତେଣୁ, ଆପଣଙ୍କର ଚା ଅଭ୍ୟାସ କିପରି ବ୍ୟକ୍ତିଗତ ଭାବରେ ଆପଣଙ୍କୁ ପ୍ରଭାବିତ କରିନପାରେ ସେଥିପ୍ରତି ଧ୍ୟାନ ଦେବା ଗୁରୁତ୍ୱପୂର୍ଣ୍ଣ |

କିଛି ଶିକ୍ଷା ଆପଣଙ୍କର ଶରୀର ପାଇଁ 

୧. ଧଳା ବିଷ ଚିନି 

୨. Drink Your Food

୩ . 10 Scientific Tips To Stay Healthy